MARÍN. CARA AO VERÁN. PRESENTACIÓN DO PROGRAMA DE FESTAS DA VIRXE DO CARME

Unha programación chea de actividades para todas as idades simbolizadas no cartel da ilustradora Tamara Baz

Nas próximas semanas se repartirán programas de man con toda a información 

A alcaldesa, María Ramallo, e as concelleiras Marián Sanmartín, Itziar Álvarez e Mónica Viqueira presentando o programa. Foto CN/CM

Marín xa conta os días para o comezo das Festas do Carme 2025, unha das celebracións máis agardadas do verán na vila, cunha programación ampla e diversa que combina tradición, cultura, música e lecer para todas as idades.Xunto a elas, están xa marcadas algunhas das datas máis relevantes de todo o verán de Marín e que xa se poden consultar de xeito íntegro na web concellodemarin.es/veranmarin.
Orquestras, concertos, Batalla de Flores, DJs, actividades populares e folclóricas, actividades infantís e culturais... Todas serán protagonistas dunha programación que levará como imaxe unha homenaxe ás xentes e oficios do mar e que foi elaborada pola ilustradora galega Tamara Baz.
A alcaldesa, María Ramallo, e as concelleiras Marián Sanmartín, Itziar Álvarez e Mónica Viqueira presentaron todas estas novidades, adiantando que se repartirán ao longo das próximas semanas programas de man con toda a información e irá engalanándose a cidade con lonas e outros elementos nos que lucir o cartel do verán.

Lectura do pregón a cargo do grupo de Cantos de Taberna 'Os Saljariteiros'

Un dos momentos máis especiais chegará o venres 11 de xullo, coa lectura do pregón a cargo do colectivo “@s Saljariteir@s”, o noso gran grupo de cantos de taberna, grandes dinamizadores da nosa cultura popular que, coa súa simpatía e compromiso coas tradicións, darán o pistoletazo de saída oficial ás festas. A continuación, a música tomará a Alameda cun espectáculo especial “Xuntos pola música”, no que Lys Pardo e Antonio Barros renderán homenaxe ao repertorio do inesquecible Juan Pardo, nun concerto que promete emoción e nostalxia. A noite pecharase coa orquestra Origen.
O calendario musical destas festas está cheo de nomes destacados. Entre os pratos fortes atópase o esperado concerto de Camela o martes 15 de xullo no Parque Eguren, que será seguido pola orquestra Capitol. Antes, o 13 de xullo, tamén poderemos bailar ao ritmo da orquestra París de Noia.

A tradicional procesión marítimo-terrestre marca a festividade da Virxe do Carme (mércores,  16 de xullo, Festa Local)

A xornada grande será o martes 16 de xullo, coa tradicional misa na honra da Virxe do Carme, a procesión marítimo-terrestre, os pasarrúas, e a gran tirada de fogos de artificio no Paseo Alcalde Blanco. A noite culminará coa actuación da orquestra Marbella.
A programación aposta tamén polo talento galego e pola música contemporánea con propostas como Carlos Núñez, que ofrecerá un concerto especial de pago o 31 de xullo na Finca de Briz, e espectáculos como os concertos de La Oca Band, Pili Pampín, Pepo Suevos e Laura Añón.

Programación completa (link en el enlace)

www.concellodemarin.es/veranmarin