MARÍN. OPINION. RECIBIDA DE REM. A PROPOSTA 'ABRIR MARÍN O MAR' CHEGA O CONGRESO DOS DIPUTADOS

"Agora a pelota está no tellado do PSOE, que dirixe os ministerios de Defensa e Transportes. Non sabemos o que este partido histórico vai decidir"

"Logo de 20 anos que desde a Vila de Marín distintas voces leven reclamando un proxecto de reapertura, renegociación de espazos na Vila de Marín coas dúas institucións coas que compartimos espazos: ENM e Porto, o proxecto chega ó Congreso presentado polo deputado do BNG Néstor Rego. Distintas cidades no estado e galegas puxan polo mesmo obxectivo nas súas reestruturacións urbanas.

Marín ten e tivo distintos deputados que nos representaron e representan pola provincia de Pontevedra. Algúns con importantes postos no goberno. Pero nunca ningún nestes 20 anos tivo a ben atender esta proposta. Néstor Rego, mestre de Historia, non é un deputado da provincia de Pontevedra. Curiosa paradoxa: naceu no Vicedo, unha das Vilas mais alonxadas en Galicia da Vila de Marín. A parroquia de O Vicedo, onde o rio Sor no seu serpentear constrúe a fermosísima ria de O Barqueiro. Cicais esa plasticidade inspirouno para ser o único deputado dos 350 no Congreso que defende esta proposta dos marinenses cando lle foi plantexada.

Agora a pelota está no tellado do PSOE, que dirixe os ministerios de Defensa e Transportes. Non sabemos o que este partido histórico vai decidir. Esperamos pouco, pero as veces a política sorprende. Agora que a transición ecolóxica é un obxectivo importante das administracións públicas e privadas, o PSOE e o resto de deputados do PP de Pontevedra, teñen a oportunidade de reorganizar un espazo urbano golpeado de xeito anárquico durante mais de un século. A proposta de Néstor Rego, pódese analizar, negociar, transaccionar, pero trátase dunha oportunidade.

Grazas Néstor, irmán de Lugo, desde as xentes da Ria de Marín, por ofrecernos a posibilidade en 100 anos de transformar a historia e o urbanismo da nosa Vila."