MARIN. MOCION DO PP. TEMA APARCAMIENTOS.

 

"A regulación do estacionamento urbano non se fai a golpe de ocurrencias"

Postura do Partido Popular defendida por Francisco Estévez, a raíz da moción del PSOE tratada no Pleno

Como todos os Concellos do noso tamaño, as grandes cidades e, en xeral, todas as áreas urbanas, é necesario que nos enfrentemos á regulación do estacionamento e iso é o que levamos facendo todos estes anos. De feito, como somos coñecedores desta necesidade e hai decisións que se deben tomar a moi longo prazo, no seu día, a alcaldesa tratou de crear unha Mesa de Mobilidade que non puido existir porque vostedes (o Partido Socialista) decidiron non participar. E agora veñen con mocións que son ocurrencias e, de feito, non se axustan á realidade. Vexamos. Cando falan de que existe un problema de estacionamento do Porto, que provoca que se ocupen prazas no espazo público de Marín, supoño que é porque non se molestou en preguntar polos datos á Autoridade Portuaria, a pesar de formar parte do Consello de Administración da mesma. No interior do recinto portuario hai 1.431 plazas de estacionamento, sinalizadas, pintadas e monitorizadas e dispoñibles para a súa consulta a través dunha aplicación específica para os e as traballadoras do Porto. No que respecta á propia Autoridade Portuaria, ten aparcadoiro subterráneo baixo as súas oficinas. Se temos en conta que entre as 06.00 e as 09.00 horas entran polas dúas entradas do Porto cerca de 1.200 vehículos e que saen unha media de 170… Facendo o cálculo, vése facilmente que non hai un máis coches que prazas. Son máis de 200 prazas dispoñibles. E referímonos tanto a turismos como a pequenas furgonetas. Faelmos agora dos camións. No caso deste tipo de vehículos, teñen prazas de estacionamento específicas, debidamente sinalizadas e pagan unha tarifa correspondente aos días que teñen que estar alí. Así que, vostede (Sr. Pazos Lamoso) demanda unha serie de cousas ao Porto que este xa ten feitas: implantou ferramentas para ordenar o estacionamento, impulsou aplicacións electrónicas, colocou paneis informativos nas entradas e caídas, permiten a reserva de espazos para camións con antelación… Así que, o punto 1 da súa moción, creo que queda totalmente explicado e demóstrase que está feito. Sobre o punto 2, vostede propoñe que se impulsen medidas para fomentar o transporte compartido, pero creo que non entende como é a realidade do traballo que se realiza nas empresas do Porto.  É prácticamente de imposible execución: a lonxa, as empresas, as oficinas, os traballos de estiba e desestiba, os servizos auxiliares… cada un ten as súas propias quendas horarias, sendo incluso varias dentro dunha mesma empresa. Ademais (e por sorte), ao Porto de Marín veñen a traballar persoas de moitos sitios distintos, tanto da nosa comarca como da provincia e de Pontevedra. Isto non é un espazo con horario funcionarial, onde todos máis ou menos coinciden en horarios e planificación. No caso de que exista posibilidad de compartir coche, os propios traballadores autoorganízanse e pouco ou nada máis pode facerse. Así que, con todo o proposto enriba da mesa, ten que entender que o noso voto a esta moción sexa negativo. Primeiro, por obsoleta (do que pide, moito xa está feito). Segundo, por mal enfocada (non ten os datos, que desbotan o que di) e terceiro, por ocurrente, porque hoxe ven con isto e mañá outra cousa pensando que a mobilidade dun municipio pode traballarse así, segundo lle veñan ideas.