MARÍN. AXENDA DO DÍA. CANTODAREA VIVE DUAS XORNADAS DE FESTA EN HONRA O SEU PATRÓN SAN XOSÉ.

MARÍN. 30.04.2025. Cantodarea vive a partir de hoxe dous días de celebración das súas tradicionais festas de San Xosé.Obreiro. A concelleira de Festas Marián Sanmartín presentou o programa de actos, xunto cos veciños e veciñas das asociacións San José e Virxe do Porto de Cantodarea, que darán comenzo HOXE MÉRCORES a partir das 20:30 horas, cos xa Cantos de Taberna cos Saljariteiros, que percorrerán diferentes establecementos hostaleiros de Cantodarea. A xornada pechará coa actuación da orquestra ORIGEN a partir das 22:00 horas. 

Mañán xoves 1 de maio, as actividades comezarán cun pasarrúas e baile tradicional a cargo de Trompos Os Pés ás 11:00 horas, seguido da misa na honra a San Xosé de Cantodarea ás 12:00 horas. A música tradicional continuará ás 13:00 horas co pasarrúas do grupo Airiños de San Xulián. Xa pola tarde, a festa proseguirá co pasarrúas de Pousos de Area ás 18:00 horas, e culminará coa solemne procesión en honra a San Xosé de Cantodarea ás 19:00 horas, que estará acompañada pola Banda de Música da Brilat.