MARIN. AXENDA DO DÍA. COLOQUIO SOBRE 'O GALEGO, UNHA LINGUA QUE VALE PARA TODO' (HOXE NO MUSEO M. TORRES ÁS 20.00h)

“Hai que denunciar os casos para pór nome ás inxustizas contra o galego”

A escritora Elsa Quintas Alborés, achégase hoxe o Museo M. Torres a falar sobre a Lingua Galega

MARÍN. 21.02.2025. O Museo Manuel Torres acolle HOXE ÁS 20.00h o coloquio "O galego: unha lingua que vale para todo", unha conversa aberta que contará coa participación de Elsa Quintas Alborés, avogada, activista da Normalización Lingüística do galego e escritora, ademáis de vicepresidenta da Mesa pola Normalización Lingüística, e Xosé Antonio Pazos, profesor do CEIP Sequelo. O evento, que se enmarca dentro das iniciativas de reflexión sobre o estado da lingua, "pretende afondar na súa situación actual, as perspectivas de futuro e a súa plena validez como idioma útil" e está organizado polo colcetivo cultural 'Almuinha', que preside o nacionalista Xurxo Agra.