MARÍN. O PSOE XUSTIFICA O SEU NON A POÑERLLE O NOME DE CASTELAO O AUDITORIO

O portavoz do Grupo Municipal Socialista, Manuel Pazos Lamoso, explica as razóns do voto negativo do seu grupo a proposta do BNG de poñerlle o nome de Castelao o Auditorio.

Manuel Pazos, portavoz do PSOE: "Apostamos por un nome de Marín, un nome que nos permita recordar e por en valor a persoas da nosa cultura, da nosa música, da nosa historia"

Motivos: Non apoiamos a proposta de porlle o nome de “Castelao” ao auditorio por dous motivos principais. O primeiro, porque debe existir un certo consenso social e político, e para iso é imprescindible facer partícipe e escoitar as propostas dos colectivos e asociacións de Marín e tamén do resto dos grupos políticos.
E o segundo é que consideramos que Castelao é unha figura con números e merecidos recoñecementos ao longo de toda Galicia. Que o centro cultural de Marín leve o seu nome pouco aporta a por en valor a súa figura, ampliamente coñecida e respetada.
 
Participación e consenso: Na nosa opinión debemos apostar por un nome propio de Marín, un nome que nos permita recordar e por en valor a persoas da nosa cultura, da nosa música, da nosa historia… E que ese nome veña avalado pola participación e o consenso, feito que agora mesmo non sucede. Por eso nos gustan tanto os nomes de paseo Alcalde Blanco, biblioteca Vidal Pazos, xornadas Blanco Freijeiro ou Museo Manuel Torres.