MARÍN. AÑO PREELECTORAL O BNG APOSTA POLO XABRE E REXEITA FORMIGÓN NA SENDA DAS PRAIAS

O Grupo Municipal do BNG reclama ao goberno local (PP) manter naturalizado o Vial de Praias para preservar a paisaxe litoral

Lucía Santos solicitou aclaracións sobre o tipo de material que finalmente se vai empregar no Vial de insistindo en que unha senda destas características debería adaptarse á contorna natural e evitar o uso de materiais urbanos

Estado das obras de renovación da senda do Vial de Praias.

O Bloque Nacionalista Galego (BNG) trasladou ao Grupo de Goberno (PP) a través da Comisión Informativa de Urbanismo varias dúbidas sobre os materiais previstos no proxecto do Vial de Praias, actualmente en execución.

Según o fai saber a portavoz nacionalista, Lucía Santos, “o vial de praias existente até agora estaba realizado en xabre, un material que permite manter a integración paisaxística e o carácter natural do contorno polo que discorre a senda. Porén, según o recolle o Proxecto do Itinerario Litoral para a Mobilidade Sostible, só o tramo comprendido entre a última entrada da ENM e Portocelo figura como “senda naturalizada”, indicando como material a empregar xabre ou granulado estabilizado.

Nos demais treitos -desde o antigo hospital até a entrada final da ENM, e desde o miradoiro de Portocelo até a praia de Mogor-, o proxecto contempla o uso de baldosas ou formigón, a pesar de que actualmente eses tramos se atopan tamén naturalizados con xabre.

Manuel Santos, concelleiro de Urbanismo responde a Lucia Santos "non ter constancia do uso de baldosas na execución da obra"

Pola súa parte, o concelleiro que preside a comisión de Urbanismo, Manuel Santos, ante as preguntas do BNG, asegurou non ter constancia da utilización de baldosas na execución da obra, aínda que se comprometeu a revisar o proxecto, no que efectivamente aparece recollida esa previsión. (Leer máis información)