FALEMOS DO CASO DE FORMA OBXECTIVA. ¿A QUÉ CHEIRA A FLOR DOS PERAIS ORNAMENTAIS QUE INVADEN MARÍN?.

Xa no seu día se comentou a pouca creatividade nun paseo que para moitas veciñas e veciños desevolucionou claramente en relación o que estaba anteriormente, por falta de verde en dominancia o formigón e a plaqueta prefabricada facendo simplemente dúas beirarrúas anchas e un carril bici nunha extensión de 1.5 km lineais. 

No anterior espazo existía diversidade vexetativa xa consolidada, diferentes variedades de arborado con zonas de sombra, diferentes pergolas con glicineas que florecían nesta época da primavera, agora a diversidade tornou a dous monocultivos de variedades de nandinas en grandes cantidades facendo practcamente un seto e de unha ilada de perais ornamentais ( pyrus calleryana). 

Unha achega moi subxectiva por parte do goberno actual que sen vacilar na decisión considerou que esa é a mellor opción para ese paseo no presente e na sua evolución en todolos anos que están por vir, xa que cambialo xa é de difícil factura. O caso é que unha aposta tan forte gastando o presuposto nunhas poucas variedades en grandes cantidades como mínimo tera que ter un estudo previo de tódolos condicionantes que poda ter ditas variedades, e polo que se ve no pyrus calleryana (peral ornamental) non se tivo enconta a pestilencia da súa floración inda mais sendo a unica variedade arborea nun dos poucos paseos que ten Marín sendo moi concorrido polos viandantes. 

Realmente un olor fortísimo en entre peixe descomposto, vomito, amoníaco incluso para moitas persoas cun olor intenso a semen cando mais grande é a arbore. Isto é causado por un composto químico volátil similar a trimetilamina que é un gas relacionado co cheiro a peixe en descomposición e a dimetilamina que se identifica co olor a amoniaco. A árbore non ten culpa de nada pero se vimos dun espazo de uso publico consolidado que por circunstancias tibose que desfacer pola obra do colector, o novo espazo deberia igualar como minimo o anterior e mellorar as prestacion e servizos que xa tiña, senon en vez de ir para adiante vamos para atras, e quedamos estancados como concello. Pensemos a futuro.

Autor: José Souto Piñeiro.

Paisaxista, concelleiro do BNG no Concello de Marín.