A portavoz municipal do BNG de Marín, Lucía Santos Omil, en canto as partidas consignadas no proxecto de Presupostos Xerais do Estado (PGE) para Marín, manifesta que “non poden ter un si do BNG porque. Marín queda unha vez máis ás costas nos orzamentos do Goberno central, que só se ven reflexados no Porto, sendo aínda así insuficientes.
A portavoz municipal do BNG
expresa que non nos podemos esquecer do resto de servizos públicos que tan
maltratados vemos por parte dos diferentes gobernos. Non podemos permitir que
ano tras ano os nosos servizos sufran desmelloras que pagan as veciñas e os
veciños da nosa vila en ámbitos tan importantes como sanidade, coa a perda de médicos
e enfermeiras ou outros servizos básicos. Vemos como o noso pobo carece de
infraestructuras que se nos prometen e, unha vez máis, non se cumpren, como é o
exemplo do paseo da ría que conectaría a nosa vila cunha cidade como
Pontevedra, onde moita xente traballa e desenvolve actividades cotidiás polo
que este paseo sería de gran importancia para mellorar a calidade de vida da
nosa poboación.
Estas son Son algunhas das razóns polas que, a día de hoxe, o BNG de Marín súmase ao BNG nacional e non pode dar o seu apoio aos orzamentos do Estado, porque discriminan ao noso pobo e, en xeral, a Galiza, no reparto do investimento territorializado, pero tendemos a man para ter unha negociación que permita incluír estes proxectos nos presupostos xerais e, igualmente, que se fagan realidade porque son necesidades que ten o País.
Lucia Santos Omil
Concelleira do BNG Marín
No hay comentarios:
Publicar un comentario