MARÍN. PRECAMPAÑA 28M. PRESENTACIÓN DA CANDIDATURA DO BNG

Lucía Santos Omil, concelleira voceira e candidata a Alcadía polo BNG 
“Presentamos un auténtico equipazo composto por persoas preparadas que forman parte de diferentes movementos asociativos culturais, sociais ou sindicais, disposto a levar a cabo o cambio transformador que tanto precisa o noso concello.”

(Clicar sobre la imagen)

O BNG de Marín aprobou a candidatura coa que concorrerá ás vindeiras eleccións municipais do vindeiro 28 de maio. A candidata á alcaldía e actual portavoz na Corporación Municipal, Lucía Santos, destaca “a grandísima formación, capacidade, competencia e ilusión” deste equipo de 28 mulleres e homes, que a partir de maio “porá en marcha a necesaria transformación que Marín merece.”

Lucía Santos manifesta que “Marín precisa un proxecto ambicioso e ilusionante, coa finalidade de construir o Marín dinámico, vivo e con futuro co que todos e todas as marinenses soñamos”  Para isto, o BNG presenta unha candidatura renovada na que figuran 21 persoas titulares e 7 suplentes. 

A lista está encabezada por Lucía Santos Omil, administrativa, traballadora no comercio local durante dez anos, colaboradora en diferentes entidades culturais, de promoción da lingua e memoria histórica, portavoz municipal do BNG desde 2018 e concelleira desde 2015. A número dous é Celia García Santomé (Grao en Ciencias Políticas e da Administración, e Mestrado en Marketing, Comunicación Política e Consultaría), seguida por José Souto Piñeiro (emprendedor marinense de recoñecido prestixio, director dunha empresa de paisaxismo que recibiu numerosos premios a nivel galego e internacional). O posto número catro é para Tino Iglesias García (Especialista universitario en Xerencia de Riscos e Seguros, e destacado activista cultural). No posto cinco vai Davinia Lojo Amoedo (Grao en Ciencias Políticas e da Administración, mestrada en Técnicas Estatísticas e tamén en Liderazgo e Comunicación Política).

O primeiro tramo o completan Xurxo Agra do Pazo (Licenciado en Ciencias Políticas e traballador da Sanidade Pública), Pamela Martínez Cortegoso (administrativa), Esther Crespo Iglesias (ex-concelleira do BNG), Xoán Daniel Rosales Rivas (presidente da Comunidade de Montes de Santomé) e Pablo Blanco (traballador do Servizo de Axuda no Fogar-SAF).

O segundo tramo da candidatura está conformado por Laura García Troitiño, Pablo Guimeráns Sanjorge, Cristina Valdés Méndez, Celso Milleiro Sánchez, Leire Castro del Río, Mario Martínez Carracelas, Ángela Naveira Guimeráns, Xavier Loira Villanueva, Eva Carracelas Broullón, Asunción Portas Martínez e pechando a lista de titulares o ex concelleiro Luciano Guimeráns Pazos. Completan a lista as sete persoas que ocupan os postos de suplentes na candidatura: Begoña Laz García, Alberto Barros González, Geli Patiño Jaén, Roxelio Carballa Barroso, Ana Sánchez Miniño, Xaime Santomé Paz e Cecilia Pazos Moreira. (Ver información ampliada)

O BNG de Marín continúa coa rolda de contactos con concellos políticamente afíns visitando nesta ocasión o de Allariz, donde goberna O BNG, e que supon, según a formación nacionalista marinense “un referente en todo o país pola tranformación que dende o ano 1989 levan desenrolando diferentes corporacións do BNG como a rehabilitación do casco histórico e a posta en valor dos recursos naturais que serviron de impulso para a revitalización da vila alaricana.” A esta visita asistiron a portavoz municipal do BNG e candidata á Alcaldía, Lucía Santos xunto a José Souto e Tino Iglesias, membros da candidatura para as vindeiras eleccións municipais. (Leer información ampliada)