O Responsábel Local do BNG de Marín, Xurxo Agra adiantou que “podemos afirmar que estamos razonablemente satisfeitos do traballo realizado e que está realizar a candidata a nivel municipal e en canto ao futuro, afirma que “o BNG ten o foco posto en incrementar dun xeito importante a nosa representación no Concello e ser o axente principal do cambio que Marín precisa. Polo que tendo todo isto a Asemblea Local do BNG de Marín acordou por unanimidade outorgar a plena confianza a Lucía Santos para encabezar novamente a candidatura do BNG de Marín nas vindeiras eleccións municipais de 2023.
“Consideramos que o perfil de Lucía Santos é o idóneo para liderar o equipo que estamos configurando tendo en conta as moitas cualidades que reúne a candidata”, dixo X. Agra, quen remata manifestando que “é unha compañeira que leva demostrado sobradamente o seu compromiso con esta organización e é concelleira desde 2015, o que lle outorga unha importante experiencia. Amais, mantén un permanente contacto coa rúa, coa veciñanza. Por todo isto, Lucía Santos é a candidata ideal para o BNG de Marín.”
Pola súa banda a alcaldable do BNG lembrou que “durante estes últimos anos traballei arreo para representar dignamente a miña organización, facer unha oposición construtiva ao PP e tratar de facer un Marín mellor para os veciños e veciñas do noso concello. Con esta designación a militancia do BNG de Marín recoñeceu este traballo. É por iso que estou enormemente orgullosa do traballo realizado, agradecida aos compañeiros e compañeiras, e ilusionada ante os retos que temos por diante.”
No hay comentarios:
Publicar un comentario